Hadits Arba'in Nawawi Ke-4: Proses Penciptaan Manusia dan Takdir dalam Lauhul Mahfuzh

Hadits Arba'in Nawawi Ke-4 "Proses Penciptaan Manusia dan Takdir dalam Lauhul Mahfuzh" Terjemah Bahasa Jawa

oleh: Murtadlo HS.

عَنْ أَبِيْ عَبْدِ الرَّحْمَنِ عَبْدِ اللَّهِ بْنِ مَسْعُوْدٍ رَضِيَ اللّٰهُ عَنْهُ قَالَ حَدَّثَنَا رَسُولُ اللَّهِ – صلى الله عليه وسلم – وَهْوَ الصَّادِقُ الْمَصْدُوقُ: إِنَّ أَحَدَكُمْ يُجْمَعُ خَلْقُهُ فِى بَطْنِ أُمِّهِ أَرْبَعِينَ يَوْمًا نُطْفَةً ، ثُمَّ يَكُونُ عَلَقَةً مِثْلَ ذَلِكَ ، ثُمَّ يَكُونُ مُضْغَةً مِثْلَ ذَلِكَ ، ثُمَّ يُرْسَلُ إِلَيْهِ الْمَلَكُ فَيَنْفُخُ فِيهِ الرُّوْحَ وَيُؤْمَرُ بِأَرْبَعِ كَلِمَاتٍ بِكَتْبِ رِزْقِهِ وَأَجَلِهِ وَعَمَلِهِ وَشَقِىٌّ أَوْ سَعِيدٌ فَوَاللّٰهِ الَّذِى لاَ إِلَهَ غَيْرُهُ إِنَّ أَحَدَكُمْ لَيَعْمَلُ بِعَمَلِ أَهْلِ الْجَنَّةِ حَتَّى مَا يَكُونُ بَيْنَهُ وَبَيْنَهَا إِلاَّ ذِرَاعٌ فَيَسْبِقُ عَلَيْهِ الْكِتَابُ فَيَعْمَلُ بِعَمَلِ أَهْلِ النَّارِ فَيَدْخُلُهَا وَإِنَّ أَحَدَكُمْ لَيَعْمَلُ بِعَمَلِ أَهْلِ النَّارِ حَتَّى مَا يَكُونُ بَيْنَهُ وَبَيْنَهَا إِلاَّ ذِرَاعٌ فَيَسْبِقُ عَلَيْهِ الْكِتَابُ فَيَعْمَلُ بِعَمَلِ أَهْلِ الْجَنَّةِ فَيَدْخُلُهَا

Kuniyahe Abu Abdurrahman asmane Abdullah bin Mas’ud radhiyallahu ‘anhu, dewek e ngendiko, Kanjeng Rosulullah shollallohu ’alaihi wasallam dawuhi ing kito lan Kanjeng (Rosul SAW) sak meniko Priyagung kang bener/jujur lan dibenerake/dipercoyo, “Setuhune penitahane salah sijine siro kabeh dikumpulke ing rahim ibune minongko nuthfah (sperma yang dibuahi sel telur) suwene patang puloh dino, banjur dadi ‘alaqah (gêtêh sak kêpêl) suwene yo patang puloh dino, banjur dadi mudhgah (daging sak kêpêl) suwene yo patang puloh dino. Mongko malaikat den perintahke kanggo nglèrèni (meniupkan) roh/nyowo (ing salah sijine siro kabeh) lan den perintahke kanggo nyatet patang perkoro, iyo iku rejekine, ajale, amale (perbuatannya), lan cilokone utowo bungae.

Mongko demi Gusti Alloh kang ora ono Pêngeran Sinêmbah liyane Alloh, setuhune salah sijine siro kabeh ngelakoni lelampahan (perbuatan) ahli suwargo sampek adohe antarane dewek e karo suwargo kari sak depo. Namung catetan takdire wes ditetepake, mongko dewek e nindaake lelampahan ahli neroko mongko dewek e mlebu neroko.

Lan setuhune salah sijine siro kabeh yekti ngelakoni lelampahan ahli neroko sampek adohe anatarane dewek e karo neroko kari sak depo. Namung catetan takdire wes ditetepke, mongko dewek e ngelakoni lelampahan ahli suwargo mongko dewek e mlebu suwargo.” (HR. Bukhari dan Muslim)

Katrangan isine hadits

1. Panjelasan fase-fase panitahane menungso. Diterangake marang kanjeng Nabi Muhammad Shallallahu ‘Alaihi wa Sallam eneng telung fase ing hadits iki, kaleh ugo disebutke ing firmane Gusti Alloh Subhanahu wa Ta’ala,

يَا أَيُّهَا النَّاسُ إِنْ كُنْتُمْ فِي رَيْبٍ مِنَ الْبَعْثِ فَإِنَّا خَلَقْنَاكُمْ مِنْ تُرَابٍ ثُمَّ مِنْ نُطْفَةٍ ثُمَّ مِنْ عَلَقَةٍ ثُمَّ مِنْ مُضْغَةٍ مُخَلَّقَةٍ وَغَيْرِ مُخَلَّقَةٍ لِنُبَيِّنَ لَكُمْ ۚ

Kula ngandika, wong-wong! Ing kono urip sawise mati iku nyata. Yen kowe duwe pitakon karo dina kebangkitan saka alam kubur, ana bukti yen urip kowe iku saka lemah, yaiku saripati panganan sing ana ing lemah, banjur soko setetes mani, banjur soko geteh sak kepel, banjur soko daging sak kepel seng sampurno penitahane lan seng ora sampurno, supoyo Dalem aturake ing siro kabeh …” QS. Al Hajj (22) : 5

2. Setuhune nglèrèbi (peniupan) roh (nyowo) iki dilakoni kelawan ngutus malaikat sak wise janin umur 120 dino (patang wulan). Kanthi mengkono (dengan begitu), janin iki wes dadi menungso seng duwe nyowo (ruh). Wonten mriki kauripan dipunwiwiti.

3. Bebarengan karo den utuse malaikat kanggo nglèrèni (meniupkan) roh (nyowo) iki, den utus ugo malaikat seng dipun-tugasi kanggo nyatet suratan takdir panguripane, iyo iku nyatet rezekine, amale (perbuatane), ajale, lan takdir cilokone opo bejone. Iku mau nerangake kanggo kito kabeh beleh suratan takdir Gusti Allah Subhanahu wa Ta’ala sak meniko kelebu rukun iman. Mongko wajib ing kito kabeh kudu ngimani setuhune kuabeh urusan kito wes ditakdirke dening Gusti Allah Subhanahu wa Ta’ala.

4. Wektu janin wes duwe roh (nyowo), mongko coro hukum fiqih wes ganti. 

a. Poro fuqoha (ahli fiqih) nerangake yen salah sijine janin gugur wes umur 120 dino, mongko hukume bedo karo janin gugur nek umure durung sampek 120 dino. Isih miturut fuqoha (ahli fiqih) janin yen gugur umure lewat 120 dino mongko hukume wajib di dusi lan disholati amergo janin kuwi mau wes dilèrèni (ditiupkan) roh (nyowo) lan wes wujud jabang bayi. Ananging janin yen gugur kurang songko 120 dino hukume ora perlu didusi lan di sholati amergo urung duwe roh (nyowo) lan isih wujud geteh sak kepel.

b. Poro ulama sepakat yen aborsi sak wise dilèrèni (tiupkan) roh ing dalem janin hukume harom lan kalebet dosa gedhe. Malahan, umpomo janin seng gugur kuwi mau kober (sempat) urep senajan sedelot, seng nglakoni aborsi oleh hukuman (sanksi) diyat (mbayar dendo) koyo diyate mateni wong liyo. Semono ugo aborsi sak durunge janin umur 120 dino (patang wulan), jumhur ulama ngendikan hukume ugo harom. Senajan eneng ulama koyo Ibnu Rajab Al-Hanbali yen ngendikan ora sampek harom.

c. Nglèrèni (peniupan) roh sak wise janin umur patang wulan utowo tumuju wulan kaping limo, ugo eneng hubungane karo wektu iddah. Keneng opo wektu iddahe piyantun estri yen garwo jalere sedo iyo iku 4 wulan 10 dino? Kanthi mengkono supoyo jelas menopo piyantun estri kuwi mau gadah anak saking almarhum garwonipun utowo boten.

5. Memahami Takdir Kanthi Bener

Ono piro-piro unsur dasar pokok ing dalem memahami takdir sak meniko.

Nomer siji, Allah ningali sekabehane keadaan seng arep kedaden. Lan sekabehane kedadenan kui wes mesti pas marang Kehendak e Gusti Alloh.

Nomer loro, opo seng wes Gusti Alloh tetepke, ugo opo seng malaikat catet kui, kito ora ngerti. Sehinggo kito kudu ikhtiar kanggo ngelampahi lelampahan ingkang paling becik.

Nomer telu, opo seng Gusti Allah perintahke, kito wajib ngesthoake (mentaatinya). Dasar pokok nomer siji sampek nomer telu kuwi iso anggawe kito ikhtiar lan ngelakoni lelakon seng becik.

Nomer papat, wong kafir lan fasik ora oleh anggawe takdir nggo alasan kekafirane lan kefasikane. Umpamane eneng uwong kalah judi banjur alasane dewek e ngelakoni judi kareno takdire Gusti Allah senajan kalah, banjur sesok judi maneh nek kalah maneh yo wes takdir.

Nomer papat, kanggo wong muslim, yen ketetapane Gusti Alloh (qadla’) kuwi bener-bener wes kedaden, oleh di enggo alasan sehinggo biso ngurangi bebane. Contone, salah sijine murid belajar kanthi tenanan lan ngelanggengake doyo (mengerahkan kekuatan) kanggo ikhtiar tapi nyatane dewek e ora lulus ujian mlebu perguruan tinggi negeri. Dewek e biso ngendiko nek kuwi mau pancen wes takdire Gusti Allah, mbok menowo Gusti Allah paring dalan seng luwih apek kanggo dewek e.

6. Setuhune amalan-amalan kito gumantung pungkasane. Yen kito duweni amalan-amalan becik, ojo rumongso wes aman kerono kito kabeh iki ora ngerti pungkasane panguripane kito kuwi arep koyok opo. Kosok baline yen kito diuji dening Gusti Alloh Subhanahu wa Ta’ala kelawan amalan-amalan seng isih kurang becik sak meniko, mongko kito ora usah cilik ati kareno kita biso ngarep marang Gusti Alloh Subhanahu wa Ta’ala menehi ing kito husnul khotimah. Lan ugo kito kudu enggal-enggal taubat saking doso-doso kito. Iku artine kito ngumpulake antarane khauf (rasa takut) lan roja’ (harapan yang besar) marang Gusti Allah Subhanahu wa Ta’ala.

Wallahu 'a'lam